انګلیستان د ۲۰ اووریز جام پایلوبې ته ووت
تاند- د کرکټ د نړیوال شل اووریز جام په نیمه پایلوبه کې نن د انګلیستان او نیوزیلنډ لوبډلې مخامخ شوې.
د نیوزیلنډ لوبډلې په ۲۰ اوورونو کې د ۸ لوبغاړو د سوځېدو په بدل کې ۱۵۳ منډې جوړې کړې خو انګلیسي لوبغاړو د ۳ لوبغاړو د سوځېدو په بدل کې په ۱۷ اوور کې په داسي حال کې چې لا ۱۷ توپونه یې لرل، هدف پوره کړ.
دا لوبه انګلیستان په ۷ ویکټونو او ۱۷ توپونو وګټله او د نړیوال شل اووریز جام پایلوبې ته ووت.
د ویست انډیز او هند ترمنځ د سیالۍ ګټونکی به په پایلوبه کې له انګلیستان سره مخامخ شي.
افغانستان پر انګلیستان یوازې په ۱۵ منډو بایللې وه.
د نجونو په سیالیو کې سبا /پنجشنبه/ د نیوزیلنډ او ویست انډیز ټیمونه په مومبي کې نیمه پایلوبه لري.
