فوتسال: جاپان په پنالټي شوتونو افغانستان ته ماتې ورکړه
تاند- د افغانستان او جاپان ترمنځ د فوتسال د درېم مقام لپاره سیالي د جاپان په ګټه پای ته ورسېده.
لومړی ګول افغان لوبغاړو وواهه خو جاپانیانو لوبه مساوي کړه او په پینالټي شوتونو د لوبې د نتیجې د معلومېدو پرېکړه وشوه.
افغان لوبغاړو په پینالټي شوتونو کې سبالي وبایلله.
جاپان درېم، ازبکستان دوهم او ایران اول شو.
تاند- د ترکمنستان په اسیايي سیالیو مې دا شېبه د افغانستان او جاپان د فوتسال لوبډلې د درېم مقام د ترلاسه کولو لپاره سیالي کوي.
د دې خبر ر خپرېدو تر شېبې پورې هیڅ ټیم ګول نه دی وهلی. په پیل کې حاپاني لوبغاړو پر لوبې تسلط درلود خو وروسته وروسته افغان ټیم څو حملې وکړې او د لوبې انډول یې بدل کړ.
له دې سیالۍ وروسته د ازبکستان او ایران ترمنځ د فوتسال پایلوبه کېږي.
دې ته په کتو چې افغانستان په دې سیالیو کې ازبکستان ته او ازبکستان بیا جاپان ته ماتې ورکړې وه، تمه کېږي چې د افغانستان لوبډله به جاپان ته ماتې ورکړي.
