عینک په ۶ منډو امو ته ماتې ورکړه
تاند- د افغانستان د غوره لیګ (شپږیزې) د نن ورځې لومړۍ سیالي د بند امیر او مس عینک ترمنځ وه.
مس عینک لوبډلې د ۶ لوبغاړو د سوځېدو په بدل کې په ۲۰ اوورونو کې ۱۳۹ منډې جوړې کړې.
خو د بند امیر ټول لوبغاړي په اتلسم اوور او پنځم توپ په داسې حال کې وسوځېدل چې ۱۳۳ منډې یې کړې وې.
ښه بیټنګ کوونکي
د مس عینک لپاره وي سیبندا په ۵۳ توپونو ۵۹ او آر پي بورل په ۳۵ توپونو ۳۸ منډې وکړې.
د بند امیر لپاره رحمت شاه په ۲۸ توپونو ۳۶ او حضرت الله په ۳۰ توپونو ۳۵ منډې وکړې.
ښه باولینګ کوونکي
د مس عینک راشد خان په ۴ اوورونو کې ۲۲ منډې ورکړې او ۳ لوبغاړي یې وسوځول
ټي سي چاتارا په ۴ اوورونو کې ۲۵ منډې ورکړې او ۲ لوبغاړي یې وسوځول.
د بند امیر لپاره سکندر رضا په ۴ اوورونو کې ۹ منډې ورکړې او ۳ لوبغاړي یې وسوځول. ظاهر خان بیا په ۳ اوورونو کې ۳۳ منډې ورکړې او ۲ لوبغاړي یې وسوځول.
د نن ورځې دوهمه سیالي د سپینغر پړانګانو او بُست ساتونکو ترمنځ ده.
لومړی بیټنګ سپینغرپړانګان کوي.
