د معلولینو کرکټ: سپینغر لوبډلې مس عینک مات کړ
خبریال: فضل رحیم رحیمي؛ د زونونو په کچه د معلولیت لرونکو وګړو کرکټ سیالیو په لړ کې (۸) لوبه د مس عینک او سپین غر لوبډلو ترمنځ وشوه.
د لوبې پچه یا ټاس مس عینک لوبډلې وګټله او لومړی یې د توپوهنې پریکړه وکړه.
مس عینک لوبډلې په شل اورونو کې سپین غر لوبډلې ته د (۱۶۲) منډو هدف ورکړ.
تر ټولو زیاتي منډې (۹۷) نبي الله جوړې کړې.
سپینغر لوبډلې په ځوابي توپ وهنه کې یاد هدف ترلاسه کړ او لوبه یې پخپل نوم کړه.
د سپینغر له لوري په توپ وهنه کې ګل محمد تر ټولو زیاتي (۵۹) منډو په جوړولو سره د لوبې غوره لوبغاړی هم ونومول شو.
د یادوني وړ ده چې د دې لوبې په ګټلو سره سپینغر لوبډلې پایلوبې ته لاره ومونده.
