د جنوبي افریقا په درې هیوادیزو سیالیو کې افغانستان لومړۍ مسابقه وبایلله
خبریال: فضل رحیم رحیم؛ د هندوستان د کرکټ الف لوبډلې په ۷ ویکټونو د افغانستان الف لوبډلې ته ماته ورکړه او د لړۍ یا سيريز لومړۍ بريا يې خپله کړه.
د لوبې پچه هندوستان وګټله او افغانستان ته یې د توپ وهنې بلنه ورکړه.
افغان لوبډلې په ۴۰ اورونو کې د لسو ويکټو په سوځيدو ۱۴۹ منډې وکړې او مقابلې لوبډلې ته يې ۱۵۰ هدف وټاکه. د افغان توپ وهونکو له لوري شرف الدین اشرف ۳۹ او جاوید احمدی ۲۵ لوړې منډی وکړې.
د هند لوبډلې په ۳۱ اور کې د درېو لوبغاړو په سوځيدو ياد هدف پوره کړ او لوبه یې پخپله بریا تمامه کړه.
د هندوستان الف لوبدلې له لورې په توپ وهنه کې تر ټولو زیاتې۵۷ منډی کرن نایر جوړې کړې چې د لوبې غوره لوبغاړی هم ونومول شو.
افغان الف لوبډله به راتلونکې يکشنبه د سويلي افريقې له لوبډلې سره د لوبې ميدان ته ووځي.
