سعودي لوبغاړو د لندن د قربانیانو درناوی ونه کړ
تاند- د فوټبال د نړیوال جام د غوراوي لپاره تېره شپه (چهارشنبه) د استرالیا او سعودی عربستان د فوټبال ټیمونو تر سیالۍ مخکې ټاکل شوې وه چې دواړه ټیمونه او نندارچیان یې د یوې دقیقې لپاره د لندن د وروستي تروریستي برید له قربانیانو سره د پیوستون او غمرازۍ د څرګندولو لپاره پټه خوله کتار ودرېږي خو د سعودي عربستان لوبغاړي د استرالیايي هغو خلاف په میدان کې تیت پرک شول.
د سعودی عربستان نندارچیان هم په خپلو ځایونو کې ونه درېدل.
په عکسونو کې د استرالیا لوبغاړي کتار ښکاري چې د لندن له قربانیانو سره په دې توګه خواخوږي ښيي.
که څه هم څو سعودي لوبغاړي د لندن د قربانیانو د درناوی لپاره په خپلو ځایونو کې ارام درېږي خو ګومان کېږي چې د سعودي عربستان اکثره لوبغاړي له موضوع مخکې تر مخکې خبر نه ول او یا له دې دود سره بلد نه ول.
