افغانستان به په ۹ سیالیو کې د آیرلند کوربه وي
تاند- افغانستان به سبا /چهارشنبه/ د هند په ګرېټر نویدا لوبغالي کې په ۹ سیالیو کې د آیرلنډ کوربه وي.
ټاکل شوې ده چې افغانستان او آیرلنډ ۳ شل اووریزې، ۵ یو ورځینۍ او یوه څلور ورځینۍ سیالۍ وکړي.
د کرکټ نړیوالې شورا په وروستیو کې د هند ګرېټر نویدا لوبغالی د نړیوالو سیالیو لپاره منظور یا تصویب کړ.
په دې سیالیو کې به د ویسټ انډیز پخوانی لوبغاړی فلیپ سیمنز، چې یوه موده د آیرلنډ سرروزونکی و، د افغان ټیم د باولینګ سلاکار وي.
دا لوبلړۍ په نړیواله درجه بندۍ یا رینکینګ کې د افغانستان لپاره مهمې دي.
