استرالیا په ۵۷ منډو پاکستان مات کړ
تاند- استرالیا پنځمه یا وروستۍ یو ورځینۍ مسابقه له پاکستانه په ۵۷ منډو وګتله.
استرالیا د دغو ۵ یو ورځینیو درې نورې هم ګتلې وې.
سره له دې چې که استرالیا نننۍ سیالي ګټلې هم نه وای، د سریز یا لړۍ ګټونکې وه خو بیا یې هم پاکستان ته د ۳۶۷ منډو لوړ هدف وټاکه.
پاکستاني لوبغاړو په ۴۹ اوور کې تر سوځېدو مخکې ۳۱۲ منډې جوړې کړې.
د پاکستان لپاره تر ټولو ډېرې منډې بابر اعظم (۱۰۰) او شارجیل خان (۷۹) وکړې.
خو د استرالیا تر ټولو زیاتې منډې ډې اې وارمر (۱۷۹) او ټي ایم هیډ (۱۲۸) وکړې.
نن /پنجشنبه/ د انګلیستان او هند ترمنځ ۲۰ اووریزه او د هانګ کانګ او متحده عربي اماراتو ترمنځ یو ورځینۍ مسابقه روانه ده. تر دې دمه امارات برلاسی ښکاري.
