هند په خپل تاریخ کې د انګلند خلاف تر ټولو زیاتې منډې وکړې
تاند- هندي کرکټ لوبغاړو د انګلیستان یا انګلنډ خلاف په وروستي ټیسټ لوبه کې د هند د کرکټ په تاریخ کې تر ټولو زیاتې منډې وکړې.
هندي لوبغاړو په خپله پاڼۍ یا ایننګز کې د ۷ لوبغاړو د سوځېدو په وړاندې ۷۵۹ منډې وکړې.
تر دې مخکې د انګلیستان د لوبډلې په وړاندې بلې هیڅ لوبډلې دومره منډې نه دي کړي.
د سیالۍ په دې پاڼۍ کې د پام وړ خبره دا وه چې کارون ناییر ۳ سلیزې جوړې کړې.
ناییر، چې دا یې درېم ټیست میچ و، ۳۰۳ منډې وکړې او لا هم سوځېدلی نه دی.
دی د هند دوهم بټسمن دی چې درې سلیزې کوي.
اوس انګلنډ باید په ټوله ورځ کې هځه وکړي چې د هند له لوري لوړ ټاکل شوی هدف پوره کړي.
انګلنډ لومړۍ ټیسټ لوبه پر هند بایللې ده.
د هند او انګلیستان ترمنځ په ۵ ټیسټ میچونو کې هند ۳ پر صفر وړاندې دی.
