فوټبال: په خوست کې ۱۰ لوبډلو پایلوبه کجیري کلي وګټله
تاند- په خوست کې د فوټیال دوو غوره لوبډلو د ټاکلو او تکړه لوبغاړو د موندلو په هدف سیالۍ، چې یوه میاشت یې دوام وکړ، پای ته ورسېدې.
د خوست فوټبال لیګ د سیالیو په نتیجه کې، چې د بېلابېلو ټیمونو ترمنځ وشوې، یو شمېر تکړه لوبغاړې د دوو تکړه ټیمونو لپاره غوره شول.
په دې سیالیو کې د خوست ولایت ۱۰غوره لوبډلو ګډون وکړ.
د خوست د اولمپیک د امر عزیز ملنګ په وینا د دغو سیالیو پایلوبې ته د خوست د مرکز د کجیرې کلي او د متون د ګلزاراکا لوبډلې ورسېدې او پایلوبه د کجیري کلي لوبډلې وګټله.
دغو مسابقو د خوست ښاریانو ته د تفریح ښه موقع برابره کړه او هره ورځ به زرګونو نندارچیانو د خبلې خوښې لوبډلې تشویقولې.
په خوست کې شاوخوا ۵۰ زره ځوانان په بېلابېلو سپورتي فعالیتونو بوخت دي. خو تر ټولو زیات خوستوال کرکټ او فوټبال خوښوي.
