د لومړي ځل لپاره د فوټبال په یوه مسابقه کې د ویدیو رول ومنل شو
تاند- د فرانسې او ایټالیبا ترمنځ د فوټبال په یوه دوستانه مسابقه کې ریفري د کرکټ په شان د ویدیو پر اساس پرېکړې وکړې.
د فوټبال د نړیوال فدراسیون ريیس جیاني انفینیتو وویل دا د فوټبال مسابقو په تاریخ کې یو نوی باب دی.
دا مسابقه فرانسې وګټله.
فرانسې ۳ او ایټالیا یو ګول وواهه.
کله چې د مسابقې په لړ کې ایټالیايي لوبغاړو وویل چې توپ د فرانسوي لوبغاړي لیوین کروزاوا په لاس لګېدلی، د ویدیو د بیا کتلو غوښتنه وشوه. په ویدیو کې ښکاره شوه چې پعه ډي کرښه کې دننه یې توپ په لاس لګېدلی دی.
د فیفا ريیس هیله لري چې په ۲۰۱۸ م کال د فوټبال په نړیوال جام سیالیو کې به، چې په روسیه کې کېږي، له دې تکنالوژۍ څخه کار واخیستل شي.
