اُمېد پوپلزی د هالند د دوهم لیګ غوره لوبغاړی شو
تاند- د افغانستان د فوټبال د ملي ټیم تکړه لوبغاړی اُمېد پوپلزی، چې د هالنډ په یوه کلب کې لوبېږي، د دغه هیواد د دوهمې درجې لیګ د غوره لوبغاړي لقب ترلاسه کړ.
امېد پوپلزی د هالنډ په اشیلس کلب کې لوبه کوي. دا لوبډله د هالنډ د دوهم لیګ غړې ده.
د سږني فصل په سیالیو کې د ښې لوبې په خاطر پوپلزی د مسابقو د فصل غوره لوبغاړی شو.
شل کلن پوپلزي ته دا لقب او جایزه د هالنډ د دوهم لیګ د سیالیو جوړوونکې کمېټې ورکړه.
ده د هالنډ په دوهم لیګ کې څلور ګولونه وهلي دي.
