مصباح الحق: عمر اکمل د پاکستان لپاره ښه کرکټر پاتې شوی
ولید ( خپلواک)
عمر اکمل د (این سي ای) د مشر روزونکي سره د شخړې له امله تر پوښتنې لاندې راغلی. د پاکستان کرکټ ملي لوبډلې تکړه توپ وهونکی عمر اکمل پر خپله تېره قضېه پښېمانې ښودلې. عمر اکمل د فیټنیس له امله د ملي ټیم څخه لرې پاتي دی، هغه د شعیب ملک، او د محمد حفیظ په راتګ هېله تر لاسه کړې چې په راتلونکې شل اوریزه نړیوال جام کې به د پاکستان په ګټه ولوبیږي.
نوموړي د فیټنیس په ازموینه کې د این سي ای د مشر روزونکي سره لفظي لانجه وکړه چې سمدلاسه یې راپور د کرکټ بورډ مشر انتخاب کوونکي مصباح الحق ته ورسېد.
د پلټنو او معلوماتو وروسته عمر اکمل وبښل شو او بغیر له جرمې پرته بیرته خپل کرکټ ته راستون شو.
مصباح د عمر په اړه وویل: ((مونږ د پخوانېو لوبغاړو څخه دا ډول تمه نه لرو، خو بیا هم اکمل د پاکستان لپاره ډېره ښه کرکټر پاتي شوی. عمر اکمل د پاکستان د شل اوریزو نړیوال جام سیالېو ته د راستنیدو لپاره چمتوالی نیسي.
که څه هم هغه په دې وروستیو کې له ملي لوبډلې څخه لرې شوی، عمر اکمل احساس کوي چې هغه کولی شي ډیر ژر نړیوال کرکټ ته راستون شي. عمر به د پاکستان په پي ایس ایل کې نور هم ځان کرکټ بورډ ته راښکاره کړې، تر څو یې په ملي لوبډله کې له ځانه سره ونیسي.
