انګلستان له جنوبي افریقا دوهمه شل اوریزه سیالي د ۲ منډو په توپیر وګټله
د انګلستان او سویلي افریقا کرکټ لوبډلو ترمنځ په سویلي افریقا کې د شل اوریزو لوبو لړۍ پیل ده، لومړۍ شل اوریزه لوبه افریقا یوه منډه او دویمه شل اوریزه لوبه انګلستان په دوه منډو وګټله.
په دویمه شل اوریزه کرکټ لوبه کې انګلستان سویلي افریقا ته د ۷ لوبغاړو په سوځېدو سره ۲۰۵ منډې هدف ورکړ. لونګي اېنګېډي درې وېکټې واخېستې.
سویلي افریقا کرکټ لوبډلې په شل اورونوکې د ۷ لوبغاړو په سوځېدو سره د کوېنټن ډیکاک د ۶۵ منډو په مرسته ۲۰۲ منډې وکړې او لوبه ترې انګلستان په ۲ منډو وګټله.
د لوبې غوره لوبغاړی انګلستانی معین علي وپېژندل شو؛ هغه په ۱۱ توپونو ۳۹ ناسوځېدلې منډې وکړې، چې ۴ شپږیزې او ۳ څلوریزې پکې شاملې وې.
دواړه لوبډلې درېیمه شل اوریزه لوبه د یکشنبې په ورځ ترسره کوي.
