د فامېلۍ سوپر لیګ: پله سر لوبډلې پایلوبې ته لاره وکړه| حضرت عثمان نوري

د ننګرهار د غني خېلو ولسوالۍ اړوند د ګلاهي قریې په فامیلۍ کرکټ لوبغالي کې د [فامیلۍ سوپر لیګ] تر نامه لاندې د کرکټ لوبلړ پېل شوی دی. ددې لوبلړ په جریان کې پنج شنبه چې د سلواغلې له څلوریشتمې نېټې سره برابره وه. د فامېلۍ سوپر سټار او پله سر سټار لوبډلو ترمنځ د نیمه پایلوبې سیالي ترسره شوه.

ټاس د فامېلۍ سوپر سټار لوبډلې وګاټه او لومړی توپوهنه یې غوره کړه او په ټاکل شوو ۱۰ اورونو کې یې سیالې لوبډلې ته د ۶۲ منډو هدف وټاکه.

په ځوابي توپوهنه کې د پله سر سټار لوبډله وتوانېده چې هدف ترلاسه کړي. پله سر سوپر سټار لوبډلې ته کرزي ۲۶ منډې وکړې او سیالي په پنځم اوور کې وګټله.

ددې سیالۍ په ګټلو سره پله سر سټار لوبډلې پایلوبې ته لاره ومونده.

سبا جمعه/د سلواغې پنځه ویشتمه/ ددې سیالېو په لړ کې د پله سر سټار لوبډله د شېرګړ بازانو خلاف په پایلوبه کې لوبیږي.

د فامېلۍ سوپر لیګ سیالۍ موده وړاندې پېل شوې وې، چې سبا/جمعه/ یې پایلوبه ده.

یاده دې وي چې دا لوبلړ د ځوانانو د یووالي په موخه پر لاره اچول شوی دی.