د ننګرهار په سپین غر ولسوالۍ کې د افغانېو د ترویج په موخه د کرکټ لوبلړ پېل شو
الفت الله محبزی
د ننگرهار د شینوارو پ سپین غر ولسوالۍ کې د افغانېو د ترویج، نشه یي توکو د مخنیوي او امن تر نامه لاندې د کرکټ سیالېو لوبلړ نن/جمعه/ د سلواغلې په اتلسمه پېل شو.
د کرکټ دا لوبلړ د بېلابېلو ولسوالېو لوبډلو لپاره پر لاره اچول شوی دی.
اچین، سپین غر، غني خېل او کوټ هغه ولسوالۍ دي چې ۳۰ لوبډلې به یې په دې لوبلړ کې برخه واخلي.
د سیالۍ د لوبلړ د پرانېستې مراسمو کې د سپین غر ولسوالۍ امنیه قومندان، د سپین غر ولسوالۍ اړوند ځوانانو، د کرکټ لوبډلمشرانو او نورو امنیتي مسوولینو برخه لرله.
ددې لوبلړ لومړۍ سیالي نن/جمعه/ د چهل کزي بابا او شډل کرکټ لوبډلو ترمنځ ترسره شوه چې شډل لوبډلې پکې بریا خپله کړه.
داسیالئ به ۲ اوونۍ دوام وکړي.
