پاکستان له بنګله دېش دوهمه شل اوریزه سیالي هم وګټله
لعل اغا ابراهیمي
د بنګله دېش او پاکستان کرکټ ملي لوبډلو ترمنځ د پاکستان په کوربتوب د پنځه شل اوريزو سياليو دوهمه لوبه نن تر سره شوه.
لومړی توپ وهنه د بنګله دېش لوبډلې وکړه، دې لوبډلې د شپږ لوبغاړو په سوځيدو سره سیالې لوبډلې ته د ۱۳۶ منډو هدف وټاکه.
د بنګله دېش لپاره اوپنر تميم اقبال د يوې شپږيزې او ۷ څلوريزو پر مټ په ۵۳ توپونو باندې ۶۵ منډې جوړې کړې او تر نور لوبغاړو ښه وځليد.
په دوهم تعقيبي توپ وهنه کې پاکستانۍ لوبډلې د بابر عظم د ۶۶* او د محمد حفيظ د ۶۷* منډو پر مټ ټاکل شوی هدف د يو لوبغاړي په زيان د لوبې په ۱۷ اور کې تر لاسه کړ او په نهه ويکټو يې مقابلې لوبډلې ته ماتې ورکړه.
له دې وړاندې هم په لومړۍ سيالۍ کې پاکستانۍ لوبډلې په پنځو ويکټو بنګله دېش لوبډلې ته ماتې ورکړې وه.
