د فوټبال له ډګره
محمود خان منندوی
محمد صلاح د شیفیلډ یونایټیډ پر وړاندې په ګول لګولو سره د 25 هغه لوبډلو د جملې څخه چې ور سره مخ شوی دی، پر 22 یي ګولونه لګولي دي. صلاح یوازې پر منچسټر یونایټیډ، سوانسي سيټي او اسټون ویلا ګولونه نه دي لګولي.
لیورپول تېره شپه د شیفیلډ یونایټیډ پر وړاندې 874 سالم د ګول پاسونه وکړل او په یوه لوبه کي دا د هغو تر ټولو ښه کارنامه د دې اړخه یادیږي. ( د 2003/04 راهیسې چي اوپټا معلومات ثبت کړي دي)
یوازي منچسټر سیټي په دې موده کې په غوره لیګ کي په یوه لوبه کي ډېر سالم پاسونه ترسره کړي دي.
رسمي: ډژان کولوشوسکي د 35 میلیونه یورو په بدل کې د یوونټوس سره یو ځای شو. دا لوبغاړی به د فصل تر پایه په قرضي توګه په پارما کي پاتې شي.
د وروستیو خبرونو پر اساس ټراشټګن لږ زخم لري او د اسپانیول پر وړاندې یي لوبیدل معلوم نه دي.
د فوټبال سیالۍ له امله د امریکا په مکسیکو ایالت کې 16 تنه په محبس کي ووژل شول.
د مکسیکو د زاکاټکاس ایالت په کرسو محبس کې د بندیانو او د محبس د ساتوونکو ترمنځ په رامنځته شوې جنګ کې 16 تنه ووژل شول. تر دې وروسته معلومه شوه، چي د جنګ اصلي علت د محبس د دوو ډلو د فوټبال د لوبې په جریان کې جنجال وو. دا لوبه د مخدره توکو د دوو ډلو ترمنځ وه.
د محبس رئیس له رسنېو سره په خپرو کې وویل، چې د بندیانو سره وسلې هم نیول شوې دي او دوی باوري دي، چې دا وسلې د بندیانو سره د ملاقات پر وخت قاچاق شوي دي.
د مکسیکو په محبسونو کي تر ډېره قاچاقبران او د مخدره توکو کاروباریان بندیان دي.
