د فوټبال قهرمانانو په لوبلړ کې فاریاب او پنجشېر نن نیمه پایلوبه کوي

د فوټبال د قهرمانانو په ټورنمینټ کې د فاریاب او پنجشېر لوبډلې نیمه پایلوبې ته و وتلې. د افغانستان د اتو زونونو د قهرمانو لوبډلو تر منځ تېره اوونۍ په کابل کې ټورنمینټ پېل شو، چې د هر ګروپ څخه یې دوې دوې لوبډلې نیمه پایلوبو ته ووتلې.

په دې ټورنمینټ کې د الف ګروپ څخه د هلمند او هرات لوبډلې او د ب ګروپ څخه د فاریاب او پنجشېر لوبډلې ووتلې.

د فاریاب لوبډلې په خپل ګروپ کې درې لوبي وکړې او درې واړه یې وګټلې، چې په دې سره په خپل ګروپ کې اول او د پنجشېر لوبډلې په درېو کې یوه بایلوده او دوې یې وګټلې، چې په ګروپ کې دوهم شول.

نن پنجشنبه به په نیمه پایلوبه کې د الف ګروپ اول مقام لوبډله هرات د ب ګروپ د دوهم مقام پنجشېر سره او د ب ګروپ اول مقام فاریاب به د الف ګروپ د دوهم مقام هلمند سره ولوبیږي.

په دې لوبو کې د الف ګروپ څخه کابل او ننګرهار او د ب ګروپ څخه لوګر و بدخشان اوټ شول.