د ډېسمبر په پاتې ورځو کې انګلنډیان اسونه ځغلوي
انگلنډي رسنېو تازه راپورونه خپاره کړي دي چې د انګلستان په لېورپول ښار کې د آس ځغلولو سیالۍ په روانه میاشت کې پېل شي.
انګلستان به د آس ځغلولو څلور ورځنیو کورنیو سیالیو کوربتوب وکړي، دې سیالیو کې به ماهر اس ځغلوونکي ګډونوال کوي او د ډېسمبر په ۳۱ مه نېټه پای ته رسېږي.
دا سیالۍ د انګلستان په لېورپول ښار کې د څلورو ورځو لپاره پېلېږي او د اس ځغلولو نړیوالې نندارې یا (شو) نوم ورکړل شوی دی.
د ډېسمبر ۲۸ مه، ۲۹ مه، ۳۰ مه او ۳۱ مې نېټې د دې سیالیو لپاره ځانګړې شوي دي.
دې لوبو کې اس ځغلوونکي له یو بل د مخکې کېدو هڅې کوي، چې ځېنې یې له اس سره یوځای غورځېږي او د خوږېدو امکان پکې هم شته.
دا سیالۍ د کال په اوږدوکې د انګلستان سربېره په نورو هېوادونوکې هم ترسره کېږي.
