د مایورکا جاپاني لوبغاړي باندې د فوټبال مینه والو ځیني ټویټونه
د مایورکا جاپانی لوبغاړی کوبو په پرونۍ لوبه کې د بارسلونا پر وړاندې 90 دقیقې ولوبید، خو په 52مه دقیقه کله چې لوبه 4-1 د بارسلونا په ګټه روانه وه، کوبو په یوه جالبه صحنه کې د میسي تر پښو توپ ور ووېست، چې په ټولنیزو رسنېو او په ځانګړي ډول په جاپان کې د جالبو عکس العملونو سره مخ شو.
د فوټبال د مینوالو ځیني ټویټونه دا رقم دي:
– د سرو زرو د 6 توپونو د ګټوونکي د پښو ترمنځ توپ تېرول خوند لري. کوبو خوشبخته دی.
– میسي ته لایه ورکول او هغه هم په 18 کلنۍ کې حیرانوونکې ده.
– کوبو کولای شي په راتلونکو کلونو کې او هغه هم په الکلاسیکو کي میسي ته لایه ورکړي.
– د اسیا د براعظم څخه د سون هیونګ مین په رقم د یوه بل ستوري را ښکارېده به ډېر نوي څه له ځانه سره ولري.
– د دې تر څنګ د هسپانیا د اې ایس ورځپاڼي هم دې موضوع ته اشاره کړې ده، چې دا لایه د 130 میلیونو جاپانیانو د حیرانتیا سبب شوې ده.
د پرون شپې لوبه کې هر کله چې کوبو ته توپ ورسید، نو د بارسایانو له خوا به نارې پر وهل کېدې.
کوبو په جاپاني میسي هم مشهوره دی.
