رحیم سټرلینګ ولې راتلونکې سیالۍ کې نه لوبیږي؟ نور هم شته
محمود خان منندوی
رحیم سټرلینګ د جو ګومز سره د لیورپول د لوبي په جریان کې د لفظي شخړي په خاطر د انګلستان د ملي لوبډلې د روزونکي ګریټ ساوټګیټ له خوا د راتلونکې لوبې څخه د انګلستان د اعلان شوي لیست څخه ووېستل شو. انګلستان په پنچ شنبه د یورو کپ په غوراوي پړاو کې لوبه لري. سټرلینګ د دې په اړه وویل، چې دا موضوع موږ خپل په منځ کې حل او فصل کړه. هغه وویل چې په هغه لحظه کې احساساتو را باندې غلبه وکړه.
بارسلونا د دې فصل له پاره خپل څلورم لباس اعلان کړ. نایک کمپنۍ دا لباس د بارسلونا کلب د 120مې کلیزې په مناسبت ډیزاین کړی.
د دغه لباس څخه به په یوه ځانګړې لوبه کې ( شاید د برنابیو په الکلاسیکو کې) استفاده وشي.
رسمي: الیسون بیکر د ګول د سایټ له نظره د 2019 کال غوره ګول ساتونکی انتخاب شو.
رسمي: د یوونټوس کلب اعلان کړه، چې د دې کلب فرانسوی مرکزي لوبغاړی بلایز مټوییډي د اث میلان سره لوبه کې ټپي شوی دی او څو اوونۍ به لوبې ونه شي کولاي.
د فرانسې ملي لوبډلې د ده پر ځای په ملي لوبډله کې د ارسنال مرکزي لوبغاړی مټیو ګنډوزي واخیست.
همدارنګه د نیس 16 کلن لوبغاړی اډوارډو کاماوینګا هم د لومړي ځل لپاره د فرانسې ملي لوبډلې ته دعوت شوی دی.
رسمي: ویرجیل فن ډایک د ګول د سایټ له خوا د 2019 کال غوره لوبغاړی انتخاب شو.
