جاناټان ټای د ناروغۍ له امله د جرمني تمرینات پریښودل، نور هم شته
محمود خان منندوی
جاناټان ټای د یوې ناروغۍ په خاطر د جرمني تمرینات پریښودل او په دې سره یي د ارجنټاین او ایسټونیا پر وړاندې لوبې له لاسه ورکړې.
ډيلي مایرر خبر ورکړی دی، چې منچسټر یونایټیډ د لایپیزیګ اوسنی روزونکی ناګلزمن د خپل راتلونکي روزونکي په توګه انتخاب کړی دی.
د جرمني سپورټ بیلډ ورځپانې خبر ورکړی دی، چې ټوماس مولر د بایرن میونیک څخه غوښتنه کړې ده، تر څو په ژمي کې د دې کلب څخه د ده د جلا کېدو اجازه ورکړي.
تېره میاشت د کلچسټر یونایټیډ کلب په پینالټیو کې ټاټنهام ته ماته ورکړه او تېره شپه د ټاتنهام د ۲۱ کلنو لوبډلي په پینالټیو کې کلچسټر یونایټیډ ته ماته ورکړه.
میسي: که رښتیا ووایم ما دا فکر کاوه، که نیمار د بارسلونا سره په دوبي کې یو ځای نه شي، نو هرو مرو د ریال ماډریډ سره یو ځای کېږي، ځکه هغه خپله د پاریس سېنټ جرمن څخه د جلا کېدو نیت کړی و. د نیمار تګ و ریال ماډریډ ته او یا بیرته د بارسلونا سره یو ځای کېدل نه ردوم.
رسمي: سټفانو پیولي د اث میلان نوی روزونکی شو.
د سریلانکا کرکټ ملي لوبډلې پاکستان ته په درېیمه شل اوریزه لوبه کې هم ماتې ورکړه او کلین سویپ یې کړ.
د دواړو لوبډلو ترمنځ په وروستۍ لوبه کې سریلانکا لوبډلې د اوو لوبغاړو په سوځېدو سره پاکستان ته د ۱۴۸ منډو هدف ورکړ.
