تاند (یکشنبه، د اسد ۵) د شمالي کوریا چارواکي خبر ورکوي چې په دغه هېواد کې د کورونا لومړنۍ مثبته پېښه په مرکزي ښار کایسونګ کې ثبت شوه.
چارواکو ویلي په کورونا اخته کس درې کاله په جنوبي کوریا کې اوسیدلی و او په خبره یې چې اوس په غیر قانوني توګه شمالي کوریا ته تللی دی.
د شمالي کوریا حکومت کایسونګ ښار په مکمله توګه کرنتین کړی دی او په خبره یې دوی به د کورونا د پراختیا د مخنیوي لپاره لازم اقدامات تر سره کړي.
کورونا وبا د لومړي ځل لپاره د چین له ووهان ښار څخه خپره شوه چې په ټوله نړۍ کې یې د دولتونو په سطحه مالي او ځاني زیانونه ورسول.