تاند (جمعه، د سلواغې/ دلوې ۱۷ مه) سعودي پرېکړه کړې چې په دغه هېواد کې موجودو ۲ میلیونه او ۲۰۰ زره اوښانو ته پاسپورټونه صادر کړي. د دې اقدام هدف د قیمتي اوښانو د رمو ښه مدیریت، څارنه، څرک لګونه (د ورکېدو په صورت کې) او منظم ریکارډ ساتل دي.
د سعودي د چاپېریال، اوبو او کرنې وزارت ویلي چې دا پروژه به د اوښانو په سکتور کې د تولید وړتیا او عمومي وضعیت ښه کړي. د چارواکو په وینا، د دې سیستم له لارې به د اوښانو په اړه یو جامع او باوري ډیټابېس جوړ شي، چې له مخې به یې د نسلروزنې، مالکیت، خرڅلاو او تګ راتګ څارنه اسانه شي.
د چاپېریال وزارت د اوښانو د پاسپورټ عکس هم خپور کړی دی. دا پاسپورټ شین رنګ لري، پر مخ یې د سعودي عربستان ملي نښان او په طلايي رنګ د اوښ انځور لیدل کېږي.
د رسمي شمېرو له مخې، په ۲۰۲۴ کال کې په سعودي عربستان کې د اوښانو شمېر شاوخوا ۲۲ لکه و. اوښان له پېړیو راهیسې په عربي نړۍ کې د سفر او ترانسپورت مهمه وسیله پاتې شوې او تر ننه هم د وقار، دود او ټولنیز مقام نښه بلل کېږي.
چارواکي وايي، دا اقدام به نه یوازې د کلتوري میراث په ساتنه کې مرسته وکړي، بلکې په اوښانو پورې تړلی اقتصاد به هم منظم او پیاوړی کړي.
دې رزیل ملک او رزیلو عربانو ته وګوره هغه مسلمانان چې د جنګونو، بدبختیو او نورو عواملو له امله سعودي ته ځي پاسپورټ خو پریږده ویزې په اسانه نه ورکوي مګر د دین تجاران اوښانو ته پاسپورټونه ورکوي. مونږ مجبور یو چې یو پیغمبر ص پدوی کې پیدا دی او بل کعبه( ددوی د رزق مرجع) دغلته ده کنه ددې عربانو حالت به تاسو لیدلی وی. دوی مطلق د انسان په شکل کې ځناور او د خپلو مسلمانانو لوی دښمنان دي.