تاند ( دوشنبه د مرغومي ـ جدي۲۹مه) افغان ځواکونو د کندهار معروف ولسوالۍ کې له پاکستاني پوځیانو سره نښته کړې ده.
سرچینو رسنیو ته ویلي چې ، جګړه نن (دوشنبه) له ماسپښین وروسته د کندهار د معروف ولسوالۍ د اپان او ګړۍ کلیو کې شوې ده.
دغه جګړه د پاکستان له لوري د اغزن سیم غځولو پر سر شوې ده.
سرچینې زیاته کړې چې، افغان ځواکونو د اغزن سیم غځولو مخه نیولې او د دواړو لورو ترمنځ د سپکو او درنو وسلو تبادله هم شوې ده.
ویل کېږي چې جګړه یو ساعت وړاندې درېدلې ده.
د سرچینې په وینا جګړه کې افغان لوري ته زیان نه دی اوښتی.
تر اوسه په رسمي سرچینو د دې جګړې په اړه څه نه دي ویلي.