تاند【یکشنبه د سلواغې ـ دلوې ۲۱مه】د جنوبي افریقا شل اوریز لیګ پایلوبه د راشدخان په لوبډلمشرۍ ممبۍ انډینز کېپ ټاون لوبډلې وګټله.
دغه لوبه د کېپ ټاون او سنرایزر ایسټرن لوبډلو ترمنځ ترسره شوه.
کېپ ټاون سیالې لوبډلې ته په شلو اورونو کې د ۸ لوبغاړو په زیان د ۱۸۲ منډو هدف وټاکه.
ایسټرن کپ لوبډلې ټاکل شوی هدف پوره نشو کړای او یواځې د ۱۰۵ منډو په جوړولو سره ټول لوبغاړي وسوځېدل.
د جنوبي افریقا د شل اوریز سوداګریز لیګ کې شاملې لوبډلې د هند د کرکټ د غوره لیګ آی پي ایل د لوبډلو د مالکانو دي، چې د نړۍ مشهوره لوبغاړي پکې لوبیږي.
د یادولو ده، چې په ممبۍ انډینز کېپ ټاون لوبډله کې د راشدخان تر څنګ دوه نور افغان لوبغاړي صدیق الله اتل او عظمت الله عمرزی هم لوبېدل.