تاند (جمعه، د مرغومي / جدي ۲۱ مه) د طالبانو د حکومت ویندوی ذبیح الله مجاهد وايي، د اسلامي امارت د ريیس الوزرا د سیاسي چارو مرستیال مولوي عبد الکبیر د کډوالو او راستنېدونکو چارو وزارت سرپرست وزیر وټاکل شو.
“مجاهد پرون (جمعه) پر خپله ایکسپاڼه لیکلي: «د اسلامي امارت د ستر مشر د فرمان له مخې، د اسلامي امارت د سیاسي چارو پخوانی مرستیال صدراعظم مولوي عبد الکبیر د مهاجرینو او راستنېدونکو چارو وزارت د سرپرست وزیر په توګه ټاکل شوی دی.»
مولوي کبیر وروسته له دې د کډوالو او بېرته راستنېدونکو چارو سرپرست وټاکل شو چې د دغه وزارت مخکینی سرپرست خلیل الرحمان حقاني په یوه انتحاري برید کې ووژل شو. پر حقاني د برید مسوولیت داعش ډلې په غاړه واخیست.
مولوي عبد الکبیر په تېرو درې کلونو کې د طالبانو د حکومت د ريیس الوزرا د سیاسي چارو د مرستیال په توګه دنده ترسره کوله.
نوموږړی د طالبانو په لومړۍ دوره کې په ننګرهار کې د ختیځ زورن ريیس و.