تاند(جمعه، د حمل ۳۰ مه) د بریتانیا مشرانو جرګې د دغه هېواد د حکومت هغه طرحه رد کړه، چې غوښتل یې یو شمېر افغان پناه غوښتونکي رونډا ته واستوي.
د بریتانیا حکومت په پام کې لرل چې یو شمېر افغان کډوال، چې پخوا یې په افغانستان کې له برتانوي پوځیانو یا حکومتي موسسو سره همکاري کړې وه، رونډا ته واستوي.
خو پرون پنجشنبې سنا جرګې د حکومت دا طرحه د ۱۹۵ مخالفو رایو په وړاندې په ۲۴۷ موافقو رایو رد کړه.
د دغه پلان له مخې، په برېتانیا کې مېشت افغان کډوال سخت اندېښمن وو.
برېتانیا کې تر نورو هېوادونو افغان کډوال له زیاتو ستونزو شکایت لري.
دغه هېواد بیا ویلي، چې د ډېرو کډوالو د لرلو له امله د زیاتو کدوالو د منلو او ټولو ستونزو ته یې د رسیدګۍ امکانات نه لري.