تاند:( یکشنبه ، د جوزا ۲۱ مه ) د پاکستان د بهرنیو چارو وزیر او د پیپلز ګوند مشر بلاول بوټو زرداري وایي د ده ګوند هم په سیاست کې د پوځ د لاسوهنې مخنیوی غواړي، خو دا کار په یوه شپه کې نه شي کیدای.
نوموړي د قطر الجزیره ټلویزون ته منلې، چې د پوځ له لاسه یې په هېواد کې جمهوریت او ولسواکي تل ځپل شوې، خو زیاتوي چې له ۲۰۱۸ راهیسې پاکستاني سیاستوال کامیاب روان دي.
هغه په ورته مهال، د پوځ خلاف د عمران خان لاریونونو ته په اشارې ویلي، چې د پاکستان پریکړې به پر سړکونو نه، په پارلمان کې کیږي.
د پاکستان دغه سیاستوال په داسې مهال د خپل پوځ خلاف خبره کړې، چې ډېری نور سیاستوال هم د پاکستان پوځ په دغه هېواد کې د ولسواکۍ اصلي خنډ او د منتخبو حکومتونو د پرله پسې سقوط کولو له امله مستبد بولي.
د پاکستان په تېر لنډ تاریخ کې، د پاکستان پوځ یو ملکي حکومت هم خپلې انتخابي مودې بشپړولو ته نه دی پریښی.
د پاکستان مخکینی صدراعظم عمران خان څه موده مخکې د پوځ خلاف د مبارزې اعلان وکړ او ویې ویل، چې پاکستان له پوځ څخه ازادوي، خو د پوځ خلاف د لاریونونو له پيلولو سره یې پوځ د ګوند مشران بندیان او له هغه څخه لار بېلولو ته اړ ویستل.
اوس پاکستان سیاسیون غواړی چې پوځ له چنګال څخه ځانونه وژغوری مګر انګریزانو او امریکا په پوځ کې دومره رخنه کړی چې د پاکستان له ولس او سیاسیونو څخه یی لاره نا درکه کړی ځکه چې پدې ۷۰ کالو کې یې داسې کارونه او فسادونه کړی چې د ټولو پړه په سیاسې مشرانو اچوي