تاند:( دوشنبه، د کب ۱۵)  د هلمند د دېشو ولسوالۍ په ملک شېر سیمه کي د سرپ او میسو دوه تنه قاچاق کوونکي ونیول شول.

د یادي ولسوالۍ چارواکو ویلي، چې د دوی د ځواکونو لخوا په میسو او سرپو بار یوه عراده ټیلر موټر چي ۱۲۱ بوجۍ میس او ۵۰۰ عدده د سرپو خښتې پکې بار وې نيولي دي.

د طالب چارواکو په خبره، یادو کسانو غوښتل په غير قانوني او قاچاقي ډول میس او سرپ له هیواده بهر ولېږدوي چي د امنیتي ځواکونو له لوري ونیول شول.

چارواکو د نیول شویو کسانو هویت نه دی په ډاګه کړی.

له هلمند او ډیورنډ فرضي کرښې ته نیږدې ولایتونو څخه تل پاکستان ته د ورته قاچاقو خبر ورکول کیږي، خو چارواکي یې د مخنیوي ادعاوې کوي.