تاند:(دوشنبه، د قوس څوارلسمه) د افغانستان يوې مشهورې شاعرې او ښځینه فعالې پروین پژواک د ایران انټرنشنال ټلويزيون پر کارکوونکو د نوموړې د « افغانستاني» بللو له امله نیوکې کړي.
آغلې پژواک په خپله ټویټر پاڼه لیکلي، چې د کاناډا په ټورنټو کې یې د افغان ښځو د حقونو په ننګه لاريون کې ګډون او خبرې کړي، خو ياد شوي ټلویزیون په خپل راپور کې د « افغانستاني» په نوم یاده کړې ده.
ایران انټرنشنال ټلويزيون په دې اړه څه نه دي ويلي.
په وروستيو کې پر ایران انټرنشنال ټلويزيون او د افغانستان لپاره ېې پر جوړې شوې څانګې ( افغانستان انټرنشنال) له دې امله نیوکې زیاتې شوي، چې افغانستان کې قومي تبعيض ته لمنه وهي او په خاص ډول د پښتنو خلاف شدید تبلیغات کوي.
دا رسنۍ د افغانستان اکثرو مسایلو ته قومي رنګ ورکوي.
د افغانستان هغه لږکې چې اصلا له نورو هېوادونو افغانستان ته راغلي دی او لا تراوسه د افغانستان تابعیت نه وي اخیستي ، دوی ځان ته « افغانستاني وایی » .
هغه کسان چې له سلګونو کلونو را پدېخوا په افغانستان کې اوسي او د هر قوم چې وي « افغان یا افغانان » دي .