تاند: ( چار شنبه ، د دلوې شلمه) د طالبانو د عامې روغتیا وزارت چارواکي وايي چې په تېرو ۲۴ ساعتو کې د کرونا ۶۷۰ مثبتې پېښې ثبتې شوې دي.
د دغه وزارت ویاند ډاکټر جاويد هژبر په وینا، په یاده موده کې د کرونا ۶۵۱ ناروغان روغ شوي او ۱۰ تنه مړ شوي دي.
سرچینې د دغو پېښو او زيانونو په اړه نور جزییات نه دي ورکړي.
دا په داسې حال کې ده، چې په افغانستان کې د کرونا د یوې نوې او خطرناکې بڼې د زیاتیدو انديښنې زياتې شوي دي.
د طالبانو له واکمنیدو او د نړیوالو مرستو له محدوديت سره د کرونا پر وړاندې د مبارزې سلګونه مرکزونه تړل شوي دي.