تاند – «دي کراون» یعني تاج سریال اوس د نړۍ تر ټولو ډېر کتل کېدونکی او خوښېدونکی سریال دی چې نیټ فلیکس یې خپروي.
دا سریال د بریتانیا د دوهمې الیزابیت ملکې او په مجموع کې د بریتانیا د سلطنتي کورنۍ په اړه دی.
د سریال لومړۍ ټولګه ۱۰ برخې لري، هره برخه یو ساعته ده او لومړنۍ برخه یې د ۲۰۱۶ کال د نوومبر په څلورمه خپره شوه.
د کراون سریال دوهمه ټولګه د ۲۰۱۷ په دسمبر کې پیل شوه او دا یوه هم د لومړۍ هغې په شان له ډېر ښه هرکلي سره مخامخ شوه.
د دې سریال پر هره برخه ۵ ملیون یورو لګول شوي نو د نړۍ تر ټولو ګرانه تمام شوی تلویزیوني سریال دی.
جان لیسکو په دغه سریال کې د وینسټن چرچیل په رول کې کار کوي. د دې لپاره چې نوموړی پخوانۍ بریتانیايي لهجه زده کړي، ښوونکی ورته وګومارل شو.
هیلن میرن د دوهمې الیزابیت ملکې رول په غاړه لري او ایملدا ستانټن د دوهمې الیزابیت د زړښت رول لري.
په پیل کې په پام کې وه چې دا سریال شپېته برخې ولري خو اوس ویل کېږي چې ښايي تر دې لږ کمې وي.
د دغه سریال سرفلمي یا ټریلز
لنډکی یادښت:
((د نړۍ تر ټولو ګرانه تمام شوی سریال))
عنوان اوږد دی، لنډ او عام فهمه بدیل یې:
د نړۍ ګران بیه سریال
یا
د نړۍ تر ټولو ګران بیه سریال
تر دې ور ها خوا لاندي جمله بیخې کاواکه او اوږده ښکاري:
((د کراون سریال دوهمه ټولګه د ۲۰۱۷ په دسمبر کې پیل شوه او دا یوه هم د لومړۍ هغې په شان له ډېر ښه هرکلي سره مخامخ شوه.))
بدیل یې:
د کراون سریال دویمه ټولګه د ۲۰۱۷ په دسمبر کې پیل شوه، دې برخې هم د تیري برخې په څیر خورا ښه هرکلی خپل کړ.
والسلام