هند له ویسټ انډیزۍ لوبډلې د یو ورځنېو سیالېو لړۍ وګټله
هندوستان کرکټ ملي لوبډلې په درېیمه یو ورځینۍ لوبه کې ویسټ انډیز ته په ۶ ویکټو ماتې ورکړه او لوب لړۍ یې ترې وګټله.
دغه لوبه د باران د ځنډ له امله ۳۵ اوره ټاکل شوې وه، چې ویسټ انډیز لوبډلې پکې هند ته د ۷ لوبغاړو په سوځېدو سره د ۲۴۱ منډو هدف ورکړ.
کریس ګېل ویسټ انډیز ته تر ټولو زیاتې ۷۲ منډې وکړې؛ خو هند ته خلیل احمد درې او محمد شمي دوه ویکټې واخېستې.
هند لوبډلې د ویرات کوهلي د سلیزې په مرسته ۳۳م اور کې د څلور لوبغاړو په زیان سره هدف ته ځان ورساوه او لوبه یې د ۶ ویکټو په شتون کې وګټله.
ویرات کوهلي په دې لوبه کې ۱۱۴ ناسوځېدلې منډې وکړې او د لوبې غوره لوبغاړو شو.
په نړیوالو ۵۰ اوریزو لوبو کې دا د کوهلي ۴۳مه سلیزه وه.
د هند او ویسټ انډیز لوبډلو ترمنځ د دې یو ورځینو لوبو لړۍ لومړۍ لوبه یې د باران له امله بې نتیجې شوې وه؛ خو وروستۍ دواړه هند وګټلې او اتلولي یې ترلاسه کړه.
له دې وړاندې په درې شل اوریزو لوبو کې وایټ واش کړې وه.
د دواړو لوبډلو ترمنځ د دوه ټېسټ لوبو لړۍ به د اګسټ په ۲۲مه نېټه پېل شي.
