لیوانډوسکي د حمله کوونکو لوبغاړو پر نشتون نیوکه وکړه
محمود خان منندوی
هغه د د بیلډ ورځپاڼي سره په مرکه کې وايي:
موږ فرانک ریبري، ارین روبن او جیمز د لاسه ورکړل او تر اوسه مو هیڅ نوی لوبغاړی نه دی رانیولی.
موږ په چپه او راسته اړخ کې نورو لوبغاړو ته اړتیا لرو، چې لیروي ساني ممکن یو د هغو څخه وي.
همدارنګه موږ شپږمه شماره لرونکي لوبغاړي یعنې مرکزي لوبغاړي ته اړتیا لرو.
که غواړئ یو فصل په 13 یا 14 لوبغاړو سره ترسره کړئ، نو دا به ډېره سخته وي.
موږ په یوه فصل کي 50 یا 60 لوبې لرو، چې دا ټوله 5 او 6 میاشتي وخت نیسي، خو موږ کافي لوبغاړي نه لرو.
د کلب رئیس او نور غړي په دې برخه کې زما په نظر پوهیږي.
لیوانډوسکي په داسي حال کې دا خبرې کوي، چې تېره اوونۍ بایرن میونک د جرمني سوپر کپ کي د ډورټمنډ څخه ماته وخوړه.
