د ۱۲ کلنو فوټبال سیالۍ د تجربوي لېسې په اتلولۍ پای ته ورسېدې
شمس امیني
د پکتیا فوټبال فدارسیون په دغه ولایت کې د ۱۲ کلنو فوټبال سیالۍ د ۱۳۹۸ هـ.ش کال د چنګاښ پر ۱۲ مه پېل کړې وې، چې د تجربوي عالي لېسې په اتلولۍ پای ته ورسېدې. په دغو سیالیو کې د ۱۲ کلنو ماشومانو ۸ فوټبال لوبډلو ګډون کړی و، چې پایلوبې ته يې تمدن او تجربوي عالي لېسې لاره وموندله.
د دغو سیالیو د پایلوبې په مراسمو کې د پکتیا فوټبال فدراسیون رییس شمس الرحمن همیم هم ګډون کړی و، چې پر قهرمانې او نایب قهرمانې لوبډلې او غوره لوبغاړو يې ورزشي جامې او جایزې هم ووېشلې.
