په کندز کې د فیټنس یو اتل کامل کریمي په وسله واله حمله کې ووژل شو
تاند
د کندوز د تکواندو فدراسیون او د فیټنس اتل کامل کریمي په یوه وسله واله حمله کې ووژل شو.
د کندوز امنیتي چارواکو تاند ته وویل چې کریمي تېره شپه د ناپېژندل شویو وسله والو له لورې ووژل شو.
دوی وايي چې پر کریمي د کندوز ښار پر سپین زر واټ حمله وشوه.
تراوسه پورې کوم چا د دې قتل مسوولیت په غاړه نه دی اخیستی او امنیتي چارواکو هم تر دې دمه څوک د کریمي په وژلو نه دي تورن کړي.
هېره دې نه وي چې اتل کریمي د تکواندو په فدراسیون او د فیټنس په برخه کې ستر ویاړونه ګټلي وو او په سیالۍ کې بع یې د ګټونکي په څېر لوبه کوله.
