افغانستان په دوهمه ورځ پر اماراتو برلاسی ښکاري
تاند- د افغانستان ملي لوبډلې په خپله لومړۍ پاڼۍ کې ۵۱۰ منډې وکړې او د متحده عربي امارات لوبډله یې له سخت حالت سره مخامخ کړه.
د ۵۱۰ منډو له کولو وروسته، چې درو لوبغاړو (احسان الله، رحمت شاه او اصغر ستانکزي) پکې سلیزې پوره کړې، اماراتي لوبغاړو ۱۰۰ منډې وکړې او په داسې حال کې د دې څلور ورځینۍ انترکانټینینټل جام دوهمه ورځ پوره شوه چې اماراتي ټیم ۵ لوبغاړي وبایلل.
راشد ارمان، چې اماراتي لوبغاړو مخکې تر مخکې ورڅخه وېره ښکاره کړې وه، ۳ اماراتي لوبغاړي وسوځول.
د اماراتو لومړی لوبغاړی یامین احمدزي، دوهم دولت ځدراڼ وسوځاوه.
په نننۍ مسابقه کې امپایر لږترلږه د دوو اماراتي لوبغاړو پر سوځېدو سترګې پټې کړې.
د افغان لوبغاړو منډې:
د افغان لوبغاړو باولینګ:
ظاهر خان د امپایر پر پرېکړه نارضایتي هم وښودله. که څه هم د ظاهر خان په نوم کوم ویکټ ثبت نه شو، خو باولینګ یې د پاملرنې وړ و.
راشد ارمان له لوبې وروسته وویل«دا زما او زموږ د ټیم لپاره ښه ورځ وه. لوبډلې له وروستیو لوبغاړو مرستې ته اړتیا لرله او ما دا کار وکړای شو.»
راشد خان نن ښه بیټنګ هم وکړ. ده ۴۰ منډې وکړې.
د متحده عربي اماراتو لپاره یوازې شیمان انور ښه لوبه کړې ده. ده ۲۹ منډې کړي او لا سوځېدلی نه دی.
