په لارډز کې د افغانستان او ایم سي سي مسابقه
تاند- د افغانستان د کرکټ ملي ټیم نن /سې شنبه/ د افغانستان په وخت د ماسپښین دوې بجې د بریتانیا په لارډز تاریخي لوبغالي کې له ایم سي سي یا مریلیبون کرکټ کلب سره مسابقه لري.
په دې تاریخي سیالۍ کې به د ایم سي سي لوبډلې کیپتاني نیوزیلنډی بټسمن بریندان مک کولمَ وکړي.
د پاکستان مصباح الحق او یاسر شاه او د ویست انډیز پخوانی بټمسن شیفنارین چندرپال هم د ایم سي لپاره د افغانستان په وړاندې په مسابقه کې برخه لري.
د ژوبل شوي کومار سنګاکارا پر ځای سام هاین د ایم سي سي لپاره لوبېږي.
په دې سیالۍ کې به بیا هم ډېر پام د افغانستان تکړه باولر راشد ارمان ته وي چې په ۲۸ یو ورځینیو مسابقو کې یې ۶۳ لوبغاړي سوځولي دي.
