د شپاړلس کلنو روانو لوبو اتلوالي لوګر لوبډلې وګټله
د الکوزي ۱۶۶ کلنو تنکیو ځوانانو یوورځنۍ لوبو اتلولي لوګر لوبډلې وګټله، د پای لوبې پچه لوګر لوبډلې وګټله او لومړۍ یې د توپ اچونې پرېکړه وکړه، بغلان لوبډلې د لوبې په ۲۹،۳ اور کې د ټولو لوبغاړو په سوځیدو سره لوګر لوبډلې ته یوازې ۸۶ منډې هدف ورکړ چې تر ټولو زیاتې۳۰ منډې محد جان جوړې کړې، د لوګر لوبډلې له لورې ذاهد خان ۵، داود ۳ او عبدلوالي د بغلان ۲ لوبغاړي وسوځول.
لوګر لوبډله د لوبې په ۲۰،۳ اور کې ټاکلي هدف ته ورسیدله او د الکوزي ۱۶ کلنو ولایتي یوورځینۍ لوبو اتلوالي یې خپله کړه، د لوګر لوبډلې له لورې تر ټولو زیاتې ۲۸ منډې عبدالله جوړې کړې او د بغلان لوبډلې له لورې فضل الحق، عبدالواسع او ذوهیب د لوګر لوبډلې دوه دوه لوبغاړي وسوځول.
د پای لوبې او د دې سیالیو غوره لوبغاړی صابر او غوره توپ اچونکی زاهد ونومول شو.
د افغانستان کرکټ بورډ رهبري وایي چې له دې لوبو څخه یې هدف د ځوانو استعدادو لاس ته راوړل دي. همدا شان زیاتوي چې له دې لوبډلو څخه به د زون لوبډلو لپاره غوره لوبغاړي انتخابیږي.
د یادولو وړ ده چې د الکوزي ۱۶۶ کلنو ولایتي یو ورځنۍ لوبې چې په خوست او ننګرهار کې پیل شوې وې، پوره ۲۲ ورځې یې دوام درلود.
