هالنډ د عمان ټیم ته په ۵ ویکټونو ماتې ورکړه
تاند- د کرکټ د نړیوالې شورا د دوهم درجې د ۸ لوبډلو ترمنځ د صحرا کپ د سیالیو په دوام کې نن /یکشنبه/ د هالنډ یا نیدرلنډ ټیم عمان ته په ۵ ویکټونو او ۴ توبونو ماتې ورکړه.
د دې شل اووریزې سیالۍ پچه عمان ګتلې وه او سیال ټیم ته یې د ۷ لوبغاړو د سوځېدو په وړاندې ۱۴۷ منډې هدف وټاکه خو هالنډي لوبغاړو په ۱۹ اوور او ۲ توپ په داسي حال کې چې ۵ لوبغاړي یې سوځېدلي ول، هدف پوره کړ.
ټاکل شوې ده نن بله مسابقه د نامیبیا او متحده عربي اماراتو ترمنځ وشي. دا دوه لوبډلې له افغانستان سره په یوه ګروپ کې دي.
