د شهیدي او منګل په مټ د امریکا المصافي لوبډله نیمه پایلوبې ته ورسېده
تاند- د افغانستان د کرکټ د ملي ټیم لوبغاړي او پخواني کیپتان نوروزمنګل، چې د امریکا په المصافي لوبډله کې لوبېږي، د حشمت شهیدي به مرسته خپله لوبډله پایلوبې ته ورسوله.
د امریکا په دغو ازادو شل اووریزو سیالیو کې د نوروزمنګل تجربې او د حشمت الله شهیدي ځوانو مټو مرسته وکړه چې المصافي کرکټ لوبډله د امریکا د تچجارتي کرکټ سیالیو په منځلوبه کې د میامي شارکز ټیم ته په ۶ ویکټونو ماتې ورکړي او نیمه پایلوبې ته ورسېږي.
نوروز منګل ۳۵ او حشمت الله شهیدي ۳۹ منډې وکړې او د میامي له لوري د ۱۱۹ منډو هدف یې د ۴ لوبغاړو د سوځېد په بدل کې په ۱۶ اوور کې پوره کړ.
د سیالیو د رسمي وېبپاڼې د معلوماتو له مخې میامي لوبډله ځکه په ستر هدف ټاکلو کې پاتې راغله چې شرف الدین اشرف ۲ او افتاب عالم ، جاوید احمدي او ګلبدین نایب یوه ـ یوه وېکټه ترلاسه کړه.
په ځوابي لوبه کې جاوید احمدي او نجیب الله ځدران بې له دې چې کومه منډه وکړي، وسوځېدل.
