نیمار بیا له بارسلونا څخه شکایت کړی، نور هم شته

محمود خان منندوی

مونډو ډیپورټیوو له قوله: د بارسلونا څخه نیمار بیا شکایت په اړه ویلي دي. نیمار ادعا کړې ده، چي د بارسلونا کلب په دې کلب کي د ده د اخیري میاشتې د معاش 3.5 میلیونه یورو نه دي ورکړي او اوس یي د دې کلب څخه نوی شکایت ثبت کړی دی.

د نیمار وکیلانو او خپله د نیمار پلار هم دغه څه تائید کړي دي.

اووه ویشت کلن نیمار په کال ۱۹۹۲ میلادي د فبرورۍ په پنځمه نېټه زیږدلی دی. دی د نړۍ له غوره فوټبالرانو څخه شمېرل کیږي.

ځیني راپورونه وایي، چې بارسلونا د نیمار د رانیولو څخه کرار کرار شاته کېږي او د نورو لوبغاړو د رانیولو په لټه کي ده.

نیمار وروستۍ مرکه کې ویلي دي، چې پاریس کې خوښ یم.

والورډي د ریال ما‌ډریډ د نومبر میاشتې د غوره لوبغاړی په توګه انتخاب شو.