افغان ملي لوبډلې ته تر ۲۵۰ ورځو وروسته د لوبډلمشر اصغر افغان بیا راتګ
محمود خان منندوی
2019 د اپریل پنځمه:
ګلبدین د یو ورځنیو، راشد خان د شل اوریزو او رحمت شاه د ټیسټ لوبو لوبډلمشر وټاکل شو.
2019 د جولای دوولسمه: راشد خان د ټولو فارمټونو لوبډلمشر وټاکل شو.
2019 د ډیسمبر یوولسمه: اصغر افغان د ټولو فارمټونو لوبډلمشر وټاکل شو.
250 ورځو کې افغانستان ثابت لوبډلمشر پیدا نه کړ.
دا په داسې حال کې ده چې کرکټ بورډ د ګلبدین نائب پر ځای راشد خان د ملي لوبډلې لوبډلمشر وټاکه، له هغه وروسته یې نن یو ځل بیا له ۲۵۰ ورځو وروسته اصغر افغان بېرته د افغانستان د کرکټ ملي لوبډلې کپتان وټاکل شو.
د کرکټ بورډ مشر فرهان یوسفزي نن چهارشنبه هغه په درې فارمټونو ټسټ،شل اوریزو او یو ورځنیو لوبو کې د ملي لوبډلې د کپتان په توګه اعلان کړ.
راشد خان د هغه د مرستیال په توګه وټاکل شو.
