د شپږېزې لیګ پېل نن/دوشنبه د کابل بازان او بند امیر ترمنځ کیږي
سید ادریس ولي زاده
د افغانستان په مرکز کابل کې د ۲۰۱۹ میلادي کال شپږېزه کرکټ لیګ شل اورېزې سیالۍ نن دوشنبه پیلیږي.
د شپږو لوبډلو په شمول یادې سیالۍ د اکتوبر میاشتې په اوومه نیټه نن سهار نهه بجې په پرانېسته لوبه پیلیږي، چې د دغې میاشتې تر ۱۸مې نیټې پورې به دوام وکړي.
نن ۹:۰۰ بجې به د کابل بازان لوبډله د شپږیزې کرکټ لیګ په لومړۍ لوبه کې د بند امیر پر وړاندې د کابل په لوبغالي کې ډګر ته ښکته شي.
د لیګ پرانیست لوبه د دفاع اتلې لوبډلې بند امیر او کابل ایګلز ترمنځ سبا سهار ترسره کېږي.
وړاندې د مهالویش له مخې اعلان شوی و، چې د لیګ پرانیسته لوبه د ورځې یوه نیمه بجه پیلیږي، خو د اورښتونو له کبله پرېکړه وشوه، چې دغه لوبه د سهار نهه بجې پیل شي.
د یادو سیالیو د پرانېستې مراسم چې ټاکل شوې وه پرون ماښام ترسره شوی وای، خو د اورښت له کبله نن ورځې ته وځنډول شول او نن ماښام شپږ بجې به یې مراسم ترسره شي.
د افغانستان شپږېزه غوره لیګ لوبې له ۲۰۱۳ کال راهیسې په شل اورېز فارمټ ترسره کېږي، چې بند امیر، کابل ایګلز، سپین غر، مس عینک، بوست او آمو شپږ شاملې لوبډلې په کې لوبیږي.
