د ارسنال لوبغاړی ګرانیټ ژاکا 27 کلن شو، نور هم شته
محمود خان منندوی
رسمي: د بارسلونا د لاماسیا اکاډمۍ لوبغاړي کارلوس پیرز د دې کلب سره خپل قرارداد تر 2023م کال پورې وغځاوه.
رسمي: د ټاټنهام فرانسوي مرکزي لوبغاړي موسی سیسکو د دې کلب سره خپل قرارداد تر 2023م کال پوري وغځاوه.
د فرانسې د نیس کلب ډنمارکي مرکزي لوبغاړي کسپر ډولبرګ چې د دې کال په دوبي کې له ایاکس څخه د دې کلب سره یو ځای شوي و، څه موده مخکې ادعا وکړه، چې د هغه یو ساعت چې 70 زره یورو یي ارزښت درلود، د دې کلب د لباسونو په اطاق کي ورک شو.
خو نن معلومه شوه، چې په لوبډله کې د ډولبرګ ملګري لامیني ډیابي فاډیکا ( د نیس کلب 18 کلن حمله کوونکی لوبغاړی) دغه ساعت غلا کړی و او هغه خپله د خپلو وکیلانو سره د دې ساعت پر غلا باندې اعتراف کړی و.
د نیس کلب اعلان کړه، چې هغه به د سخت انضباطي عکس العمل او حتی د اخراج سره مخ شي.
د پاکستان او سریلانکا ترمنځ راتلونکې دوهمه یوه ورځنۍ لوبه د دوشنبې ورځ اعلان شوه، ددې دواړو لوبډلو تر منځ د اورښت له امله لومړۍ سیالي لغوه اعلان شوه.
د غوره لیګ په تاریخ کې دوو لوبډلو فصل په اوو پرلپسې بریاوو پیل کړی دی:
2005/06: چیلسي د مورینیو تر نظر لاندې
2019/20: لیورپول د کلوپ تر نظر لاندې ( جریان لري)
رسمي. موراټا ډرابۍ له لاسه ورکړه. موراټا د اټلاټیکو ماډریډ په تېره لوبه کې د مایورکا پر وړاندې سور کارت واخیست او د ریال ماډریډ پر وړاندې لوبه یې له لاسه ورکړه.
اټلاټیکو ماډریډ د دې سره کارت په اړه د بیا کتنې غوښتنه کړې وه، خو رد شوه.
