ښکاري چې افغان کرکټ بورډ خپل مینه وال خوښ ساتي
د افغانستان د کرکټ بورډ عمومي ریئس فرهان یوسفزی وایي: دا چې زموږ هېوادوال د کرکټ له لوبې سره بې سارې او ډېره مينه لري او هر وخت غواړي چې دغه لوبه په ژوندۍ بڼه د تلويزيون پر پردې ننداره کړي نو د دغې ستونزې هواري ته یې لومړيتوب ورکړ او هیله من دی چې ګران هېوادوال به ډېر ژر د کرکټ د يوه ځانګړي ټلويزيون د جوړېدو د زېري اورېدونکي واوسي.
یوسفزي زیاته کړه چې د جواز په ګډون يې لومړنۍ چارې د بشپړېدو په حال کې دي او په نورو اړوند کارونو هم په چټکه کار روان دى.
د افغانستان کرکټ بورډ دا غوره اقدام د کرکټ مینه والو د پراخ هر کلي سره مخ شو او دا نوښت یې د کرکټ د پرمختګ لپاره یو زیری بللی دی.
د افغانستان د کرکټ بورډ ددې غوره اقدام غوښتنه په بیا بیا د یادې ادارې له لوري شوې ده او پس له ډېرې مودې ومنل شوه.
