انګلیسي کیسه، ژباړه : هابیل
یو وخت زمری ویده و. یو وړوکي موږک منډې رامنډې وهلې. زمري ویښ شو. زمري منګول پر موږک کیښوده او خپله لویه ژامه یې پرانیسته چې موږک تیر کړي.
موږک په ژړا شو او ورته ویې ویل:
« اې پاچا دا ځل ما وبښه بیا به داسې ونه کړم او کله به ستا ښه هیر نه کړم»
موږک بیا وویل « کیدای شي یوه ورځ به دې په ښه راشم»
د زمري زړه نه منله چې موږک به یوه ورځ له ده سره مرسته کوي خو پښه یې پورته کړه او هغه یې پریښود.
څو وخته وروسته ښکاریانو زمری ونیو او هغه یې په پړي باندې پر یوه ونه کلک وتاړه. دوی ولاړل چې موټر راولي او زمری له ځان سره یوسي. په دې وخت کې وړوکی موږک له دې ځایه تیریده او ویې لیدل چې زمری سخت خپه دی.
موږک زمري ته ورغی او ژر ژر یې هغه پړي چې زمری پرې تړل شوی وو په غاښ کړل. موږک ډیر خوښاله و چې له زمري سره یې مرسته کړې، موږک زمري ته وویل:
« ما نه ویل چې زه به دې په درد وخورم»
سرچینه:
http://www.kidsworldfun.com/shortstories_lionandmouse.php
