تاند/ چهارشنبه د وږي ـ سنبلې ۲۵مه/ افغانستان کې د طالبانو د حکومت د لوړو زدهکړو وزارت ویاند حافظ ضیاءالله هاشمي وايي، د د خاتمالنبین پوهنتون جواز اسلامي ارزښتونو ته د سپکاوي له امله لغوه شو.
نوموړی زیاتوي چې، دا پرېکړه یې وروسته له هغې وکړه چې یاد پوهنتون د پالیسۍ خلاف کړنې کولې، اسلامي ارزښتونو ته یې سپکاوی درلود او د پوهنتون له نوم او مقام یې غلطه استفاده کوله.
هاشمي وايي، د ګڼو ناستو او خبرداریو سره سره د دغه پوهنتون رهبري له خپل دریځ شاته نه شول چې بلاخره دوی اړ شول، جواز یې لغوه کړي.
هغه زیاته کړه چې د دې پوهنتون محصلین به د سمسټرونو د بشپړولو لپاره د ځانګړې تخفیف سره نورو تخصصي پوهنتونونو ته ولېږدول شي.
د یاد پوهنتون مشرتابه تر اوسه د لوړو زده کړو وزارت د یادې ادعا په تړاو څه نه دي ویلي.
خو بل لورته بیا د دې پرېکړې په اړه د نظر خاوندان وایي چې، د یوه پوهنتون د جواز لغوه کول باید د روښانه قانوني بنسټ، مستندو شواهدو او عادلانه اداري پروسې پر اساس ترسره شي، په ځانګړي ډول هغه مهال چې د سلګونو محصلینو د زدهکړو راتلونکی ورسره تړاو لري.
طالبان هم کله کله سمه او ښه کارونه کوي . د شیعه خانې په نوم د جاسوسي ځاله یې وتړله .